鑑於圖書館一樓有些小學生放學後狂奔或尖叫，自修室的枱又幾細，想take書包d野出來每次都要逐一take出，唔可以一次過take哂，如果唔係冇位做，都係番下學校溫。9:00am睇埋 香港早晨 先出門。爸今日回了大陸，冇左佢監管，我驚今晚溫習會放鬆左。
            番到學校，canteen只有老莫寥寥一人。開始做bio pastpaper。開左波20分鐘都冇， 10:00am 就上去H.E. room 同tomy patrick yankit practise 下listening 同oral ， 大家有咩就講出黎，冇一個人膽怯。完之前，miss tang 請我地每人食左個apple pie，好味，甜而不膩。落番canteen，橋同kitying都番左黎，我地即刻去左買飯盒， 金時 仲送左d復活蝦比tomy。
            食完打大家專心溫書，做左一年bio lq  ，plant 大部份唔中pt，今晚要溫熟d啦，好彩keep到考mock狀態。做完pp 溫下玩下  。7:00pm 就走人，沿途係咁講ghost incident ，我都有少少驚。睌上食d爸唔食得的餸，我同弟的味蕾非常開心。洗完碗把bio書重睇一次，就咁又一日。距離會考仲有10日，各位考生都要加油，用成績報答父母養育之恩!!

        今日朝早準時7時正起床，追回因討論F=ma而失去的時間。做咗06phy mc 錯13題，狀態愈來愈差，慘!8:50am去圖書館排隊，仲以為已經有很多人，原來寥寥無幾。 9:00am上咗圖書館樓上，坐底溫咗一陣chemistry，驀然回首，橋迎面行來，佢話心血來潮，所以來。一路溫，一路抄底，起碼會專心D，唔會比SOUND影響到。我就咁溫chem溫到1:30pm，同佢去Micdonald，去廁所見到個乾手機寫住「為節省資源，請勿用廁紙」，難道用電唔係浪費地球的資源嗎?
         2:00PM食完野同橋番圖書館，點知冇哂位，我動議去大快活溫，因為剛剛經過見到冇咩人，橋和議，我決議。去到，坐低繼續我的CHEMISTRY旅程。溫下溫下，兩舍中年男人坐在我地身旁勁爆4字粗言，5秒2句，維持1.5分鐘到，我最勁都係聽過10秒1句，想不到他功力如此深厚，只不過唔知點解佢講電話又唔爆，很奇怪。我回神繼續溫chem。
        「hello!」「hello!」打招呼聲此起彼落，大快活服務員就算有冇人入來，每隔10秒大喊「hello!」，很機械化。唉!冇計，誰叫搵食艱難。
         不過之後佢溫到4:00PM，食咗個CHICKEN WING+西多，唔明點解而家d西多冇花生醬，可能大快活買咗匯控，勁蝕，冇錢買花生醬，不過都飽哂。
         到6點，就快溫完chem，同橋傾下phy mc同chem mc。
         6:45各散東西。
         返到屋企，食番幾粒解毒丸，繼續做phy Lq，practice答有comunicate分的題目的skill。
         第一日study leave裡浪費最少time的一天。

1 April 2009

7:00am比個人肉時鐘嘈醒咗。
 朝早only做咗  01 phy  mc , 有80% ，有b掛
大家樂食完野就去咗食補品(補習)
補完返學校溫習點知個校工又話要8月4日後先著得，仲諗住同老莫討論下physics,，白走一趟。
返屋企做 02phy mc同   04 math paper 1and2 ，都有80%，(今年會考phy真係有b就好了)
今日實在太hea啦，聽日睇黎唔可以咁懶!!!!!